Stöndum vörð um St.Jósefsspítala

Ég er ekki alveg viss um hvernig við getum gert það, en við bara megum til. St.Jósefsspítalinn er sá langbesti á höfuðborgarsvæðinu. Við getum valið um hann eða að fara á Sjúkrahúsið á Akranesi, sem er líka vinalegt sjúkrahús líkt og St.Jósefs. 

Það stæði heilbrigðisráðherra nær að athuga bruðlið á Landspítala Háskólasjúkrahúsi. Ég óskaði eftir fundi Guðlaugi Þór þegar hann var heilbrigðisráðherra en fékk ekki.  Reksturinn á stóru spítölunum er út í hött, þar er hver silkihúfan ofan á annarri en enginn tengill milli sjúklinga og lækna. Ég var innlögð á hjartadeild af bráðamóttöku Landspítalans fyrr á árinu, af hjartalækni, sem aldrei gerði svo lítið sem að heilsa mér, hvað þá skoða mig. Enn veit ég ekkert hver maðurinn er. Og ekkert var að hjartanu í mér!

 Ég veit líka um fíkil sem stundar það að láta leggja sig inn á Landspítalann þegar hann er að þrotum kominn. Þar fær hann heitan mat og sýklalyf - fer svo út í daginn og heldur neyslu áfram. Hann vill hvergi vera nema á einbýli og fær það.

 Hvers konar þvæla er þetta orðin? Á sífellt að ýta undir ríkisbáknið Landspítala og loka sjúkrahúsunum sem sinna sjúklingum sínum á góðan hátt?  Það þarf ekki annað en kynna sér Landakotsleiðina, þann góða spítala við Túngötu, til að sjá að hægt er að reka sjúkrahús mjög vel.

Finnum leið til bjargar St.Jósefsspítala í Hafnarfirði!

St. Jósefsspítala lokað hægt og hljótt

Maðkar í Kumbaravogsmysunni

Það eiga fleiri slíkir eftir að koma upp. Þau sem voru börn þar eru með öll gögn í höndunum, enei-- eeeinhverra hluta vegna hafa þau ekki verið skoðuð nægilega vel af nefndinni, nema einhver í henni eigi hagsmuna að gæta, - sem við skulum nú vona ekki. Forsætisráðherra bara tekur málið að sér oglætur fara yfir allt upp á nýtt. Ekkert annað að gera í stöpunni. Þetta fólk var þar, það upplifði hvernig það var komið fram við það, það veit sannleikann og það þýðir ekki að búa til einhverja létta farsasúpu úr hryllingnum. Þá fara fjölmiðlar aftur af stað og draga ALLT fram í þetta sinn.

DV fékk rannsókarblaðamannaverðlaunin

fyrir að fjalla fyrst allra fjölmiðla um Kumbaravogsmálið, Heyrnleysingjaskólann og Bjarg. Sannleikurinn varð að koma í ljós og ég óska þeim ,,börnum" sem máttu þola misbeitingu til hamingju með þann sigur að fá það viðurkennt að þau sögðu allan tímann satt og rétt frá.

Auðvitað fylgjast þjófar með

... mér finnst það einhvern veginn liggja í augum uppi. Þess vegna segir maður aldrei frá brottför nema það búi einhver í húsinu á meðan og kerfið sé í gangi.

Þjófarnir fylgjast með á Facebook

Gott hjá Blaðamannafélaginu

Fáránlegt að dæma blaðamanninn. Auðvitað segir viðmælandinn bara fyrir dómi að hún hafi aldrei sagt þetta. Það þarf orðið að hafa allt á segulbandi, fólki er engan veginn treystandi. Það segir að svart sé svart í viðtali, les yfir og samþykkir og segir svo þegar blaðið kemur út að það hafi sagt að svart væri hvítt. Endalaus þvæla.   Held samt að almenningi sé nokk sama hver segir sannleikann í málinu. Það eru bara fjölmiðlamenn sem hafa áhuga á öðrum fjölmiðlamönnum, það er staðreynd.

Meiðyrðamáli vísað til Strassborgar

Björgólfur og Dósagerðin

Björgólfur Guðmundsson kom ungur maður í námi í Verzlunarskólanum til starfa hjá DÓSAVERKSMIÐJUNNI, sem stofnuð var á fjórða áratugnum. Dósaverksmiðjan var stofnuð af Kristjáni Einarssyni, framkvæmdastjóra SÍF og bróður hans Sigurvini Einarssyni, síðar alþingismanni. Björgólfur tók hugmynd þeirra bræðra og færði hana í það sem hann nefndi Dósagerðina.

Þessar heimildir eru réttar og Morgunblaðið ætti að afla sér nánari vitneskju um þá sögu alla.

Blessaður biskupinn gerir allt fyrir athyglina

Herra Karl Sigurbjörnsson biskup gerir allt til að beina sjónum almennings að sér. Þjóðkirkjan hefur klikkað í svo mörgum málum að það er ekki hægt að telja þau upp. En það var rétt af biskupi að klifra þarna upp á turninn. Hann sést ekki öðruvísi en í hæstu hæðum. Mikið verða íbúar í kringum Hallgrímskirkju fegnir þegar þeir losna við þennan endalausa hávaða. Og peningarnir sem fara í þessar viðgerðir, guð minn góður. En Þjóðkirkjan hirðir milljarða af ríkinu, þ.e. okkur mannfólkinu og gerir það sem henni sýnist. Mér er sama þótt Hallgrímskirkja sé kennileiti í Reykjavík, hún má grotna niður mín vegna. Guð er ekki í kirkjunni. Hann býr í okkur.

Biskup blessar í hæstu hæðum

Borgarastyrjöld?

Ég er hrædd um að Vilhjálmur Bjarnason hafi rétt fyrir sér. Fólk er alveg búið að fá nóg af þessu svínaríi á landinu. Við getum ekki endalaust tekið við svona fréttum að ríka fólkið fái sérstaka afgreiðslu á meðan fjölskyldufólk nær ekki endum saman og er að missa heimili sín. Þetta er algjörlega til skammar. Þetta endar með miklu meiri látum en búsáhaldabyltingin, svo mikið er víst. Þegar er farið að sletta málningu á hús útrásarvíkinganna og maður er bara hræddur um hvað gerist næst. Ég held að borgarastyrjöld sé næst á dagskrá.

Öryggi starfsmanna ógnað

Sahlgrenska góður spítali

Þeir sjúklingar sem þurfa líffæraígræðslu verða ekki sviknir á Sahlgrenska. Þar vinnur hópur öflugra lækna og vísindamanna, enda er þetta háskólasjúkrahús þar sem margar meiri háttar uppgötvanir hafa verið gerðar. Á Sahlgrenska var til dæmis fundinn upp titan pinninn sem nú heldur uppi tönnum margra Íslendinga. Aðbúnaður fyrir aðstandendur fremur fábrotinn, en sjúklingar fá 100% þjónustu. Borgin er falleg og fólkið elskulegt þegar kemur að því að fá að fara aðeins út. Megi þeim sem þurfa á þessari læknisþjónustu að halda ganga vel.

Samið um líffæraígreiðslur við Gautaborg

Guðlaug Elísabet Ólafsdóttir gerir frábæra hluti

Það er stórkostlegt að heimsækja Viðey og njóta visku Guðlaugar Elísabetar leikkonu. Frábært að hafa hana á þessum stað!

Viðeyjarhátíðin í dag